Deputeti i LVV-së Artan Abrashi ka komentuar zhvillimet e fundit në veri të vendit që lidhet me heqjen e barrikadave.
“Ishte një shfaqje e dështuar e Serbisë që ta detyrojë Kosovën të zmbrapset nga shtrirja e sovranitetit në gjithë territorin. Ashtu siç i vendosën i larguan vetë barrikadat. Por ajo çka mbeti është përpjekje e institucioneve të Kosovës për ta kryer punën e tyre ashtu siç duhet”, deklaroi Abrashi në RTV Dukagjini.
“Ne nuk guxojmë të fantazojmë që një gjë e tillë mund të bëhet brenda ditës apo me një veprim policor. Kjo është përpjekje sistematike e organeve tonë të rendit për një proces afatgjatë”.
Abrashi thotë se strukturat kriminale në veri nuk e patën mbështetjen e popullit në atë pjesë të Kosovës.
“Ata po përpiqen që këtë dështim të tyre ta paraqesin si fitore të Serbisë”.
Deputeti i shumicës thotë se nuk ka pasur marrëveshje me Serbinë për largimin e barrikadave, derisa ka shprehur rezerva ndaj organeve të drejtësisë për lirimin e ish-policit të dyshuar për terrorizëm.
“Serbia kishte deklaruar se barrikadat nuk do të hiqen pa u bërë Asociacioni. Por Asociacioni nuk u bë dhe barrikadat u hoqën”.
Abrashi thotë se institucionet e sigurisë do të bëjnë përpjekje për identifikimin e personave që qëndruan në barrikada dhe do të zbatojë ligjin ndaj tyre.
“Ne nuk bëjmë negociata me krimin”, deklaroi ai.
Shpërndaje në
SONDAZH
Loading ...
