Adi Krasta, gazetar nga Shqipëria po e synon pozitën e zëvendësdrejtorit të Radio Televizionit të Kosovës.
Por që ai deri tani ka dështuar ta marrë këtë pozitë, pasi ka dalë i dyti nga vlerësimi i komisionit vlerësues për këtë konkurs.
E para ka dalë gazetarja Ilire Zajmi me 82.60 pikë duke lënë mbrapa Adi Krastën me 81.40 pikë, në bazë të poentimit të komisionit vlerësues të cilin e ka siguruar Paparaci.
Për pozitën e zv/drejtorit të RTK-së kanë aplikuar katër kandidat, Rilind Gërvalla i cili ka marrë 80.40 pikë, Naser Thaçi me 76.40 pikë, Adi Krasta dhe Ilire Zajmi e cila ka marrë pikët maksimale për tu zgjedhur zëvendësdrejtoreshë e RTK-së.
Në dhjetor të vitit të kaluar, kryetari i Sindikatës së Pavarur të Radio Televizionit të Kosovës, Fadil Hoxha, kishte deklaruar se ka informacione se gazetari nga Shqipëria, Adi Krasta, mund të jetë drejtor i ardhshëm i televizionit publik në Kosovë.
Hoxha ka thënë se para disa javëve në ndejë së bashku me kolegët e tij, e kishte dëgjuar këtë informacion, por i njëjti është shprehur se nuk i kishe marrë seriozisht.
Shpërndaje në
SONDAZH
Loading ...
