Në akordin e heshtur për debllokimin e rrugëve në veri, palët u pajtuan që të maskuarit që qëndruan në barrikada për gati 3 javë të mos ndiqen penalisht nga institucionet kosovare.
Megjithëkëtë, nga Asociacioni i Gazetarëve të Kosovës thanë se imunitet ndaj arrestimeve, për mbrojtësit ligjorë të gazetarëve nuk duhet pasur në asnjë formë.
‘Maskat’ ishin në llupën e organeve edhe për hedhjen e shok bombave e mjeteve tjera, dhe lënia e tyre në liri u tha se nuk duhet shndërruar në praktikë për të kryer sulme tjera.
Një dakordim të tillë, e kritikoi edhe një deputet opozitar dikur shef policie. Rashit Qalaj i PDK-së tha se gabimisht u veprua edhe në rastet e sulmeve të vitit të kaluar.
