Autoritetet në Mal të Zi kanë arrestuar një individ që besohet të jetë i arratisuri nga Koreja e Jugut Do Kwon, sipërmarrësi i kriptovalutave që qëndron pas shpërthimit prej 40 miliardë dollarësh të valutave digjitale terraUSD dhe luna vitin e kaluar.
Në një deklaratë në Twitter, ministri i brendshëm i Malit të Zi, Filip Adzic tha se “ish-mbreti i kriptomonedhave” u ndalua nga policia në aeroportin e Podgoricës me dokumente të falsifikuara, raporton “Financial Times”.
Rënia e monedhës terraUSD vitin e kaluar shkaktoi një përplasje të paprecedentë në tregjet e kriptove që përfshiu shumë nga lojtarët kryesorë të industrisë. Kwon, bashkëthemelues i Terraform Labs, u akuzua për mashtrim dhe shkelje të ligjit të tregjeve të kapitalit në vendin e tij dhe shkaktoi një ndjekje ndërkombëtare pasi autoritetet nuk ishin në gjendje ta gjenin atë.
Autoritetet e Koresë së Jugut thanë vitin e kaluar se ai kishte udhëtuar në një vend të panjohur, që besohet të jetë Serbia, përmes Dubait pasi u largua nga Singapori, ku ishte selia e Terraform. Gjithashtu iu hoq pasaporta e Koresë së Jugut. “Jemi në pritje të konfirmimit zyrtar të identitetit”, shtoi Adziq.
Shkrirja e monedhave terraUSD dhe luna preku qindra mijëra investitorë, shumë prej të cilëve u tërhoqën nga një skemë në të cilën klientët mund t’i jepnin hua monedhat e tyre terra për një rendiment deri në 20 për qind.
TerraUSD, një monedhë e qëndrueshme, u krijua për të lidhur tregjet tradicionale dhe kripto. Tregtarët i përdorin ato si para të gatshme ose një depo me vlerë midis tregtimeve të kriptove. Shumica gjurmojnë vlerën e dollarit një për një, por terra supozohej të mbahej në linjë me kodim algoritmik, kështu që nuk kishte nevojë të mbështetej nga asete të forta.
Kwon dhe Terra janë paditur gjithashtu nga Komisioni Amerikan i Letrave me Vlerë dhe Shkëmbim për gjoja organizimin e një mashtrimi të kriptomonedhës që çoi në miliarda dollarë humbje duke shitur një numër asetesh digjitale të pa regjistruara siç duhet te rregullatorët.
Ky komision tha se mashtrimi i supozuar ka ndodhur midis prillit 2018 dhe majit 2022.
Në maj të vitit të kaluar, terraUSD u shemb në mënyrë dramatike, duke shkaktuar një krizë të paprecedentë besimi në tregjet e kriptove, e cila zhyti kompanitë si Celsius dhe Three Arrows Capital në falimentim.
Që nga zhdukja e tij, Kwon ka vazhduar të bëjë deklarata në rrjetet sociale pa e ndarë vendndodhjen e tij.
Terraform dhe Ministria e Brendshme e Malit të Zi nuk iu përgjigj menjëherë një kërkese për koment.
Shpërndaje në
SONDAZH
Kë do e votoni me 9 shkurt 2025 për kryeministër?
- Albin Kurti - LVV (49%, 131 Vota)
- Bedri Hamza - PDK (33%, 88 Vota)
- Lumir Abdixhiku - LDK (12%, 32 Vota)
- Ramush Haradinaj - AAK (6%, 16 Vota)
Gjithsej Votues: 267
Loading ...
