Këshilltari i presidencës, Artan Murati, ka dhënë dorëheqje nga posti i tij në kabinetin e presidentes, Vjosa Osmani.
Lajmin e ka bërë të ditur për Gazetën Online Reporteri.net vet Murati, i cili tha se arsyet e dorëheqjes janë private.
“Janë thjeshtë arsye familjare dhe zhvillimit të karriereës për doktoraturë”, ka thënë Murati për Reporteri.net.
Ndërsa, gjatë ditës, presidentja e vendit, Vjosa Osmani, ka emëruar si zëvendësshefe të stabit të kabinetit, Learta Hollaj, e cila i ishte bashkuar ekipit të presidentës Osmani në vitin 2020 si këshilltare politike në atë kohë të kryetarës së kuvendit, Vjosa Osmani, teksa edhe e ka falënderuar Muratin për punën.
“Znj. Hollaj iu bashkua ekipit të Presidentes Osmani në vitin 2020 si këshilltare politike e Kryetares së Kuvendit, e para kësaj ishte anëtare aktive e shoqërisë civile dhe punonte në hartimin e politikave në fushën e energjisë, mbrojtjes së ambientit, si dhe zhvillimin e qëndrueshëm në përgjithësi. Znj. Hollaj studimet bachelor i ka përfunduar në RIT Kosova, ndërsa studimet në nivelin master i ka përfunduar në Universitetin e Evropës Qendrore në Budapest. Znj. Hollaj merr rolin nga Artan Murati i cili ka mbajtur këtë pozitë deri më tani”.
“Presidentja Osmani ka falënderuar z. Artan Murati për punën e tij të palodhshme dhe kontributin profesional në Kabinet përgjatë shërbimit të tij në këtë pozitë, ndërkaq i ka uruar sukses në rrugëtimin e tij të ardhshëm profesional. Presidentja poashtu ka theksuar se do të vazhdojë punën e shkëlqyer me znj. Hollaj për t’i arritur objektivat e Kabinetit të Presidentes dhe avancimit të mëtutjeshëm të punës së Kabinetit”, thuhet në njoftim.
Shpërndaje në
SONDAZH
Loading ...
