Një përplasje ka ndodhur në Kuvendin e Kosovës në lidhje me natyrën femicidale të shoqërisë kosovare. Por, tashmë është shkruar një rresht mjaft problematik nga ana e deputetes Tinka Kurti.
Deputetja Arjeta Fejza u shpreh se kishte femicid në Kosovë. Më pas, ajo u mbështet edhe nga ministrja Albulena Haxhiu.
Por, këto qëndrime i kontestoi Ganimete Musliu, deputete e PDK-së.
“Tendenca për ta shpallur shoqërinë kosovare “femicide” është e rrezikshme.” – tha znj. Musliu mes tjerash.
Por, deputetja Kurti duket se ka vendosur që të tërhiqet paksa nga qëndrimi i shprehur nga Fejza dhe Haxhiu.
“Askush nuk po thotë shoqëri femicidale por po po vend ku ndodhin vrasjet e grave nga burrat,” – u shpreh znj. Kurti me anë të një postimi në Facebook.
Qysh? Pse të mos e quajmë “shoqëri femicidale”?
Për më tepër, ky postim është pëlqyer edhe nga deputetja që shtroi çështjen, Arjeta Fejza.
Postimi i plotë:
Me e përmend femicidin në Kuvend është detyrë. Me e mohu atë është e rrezikshme. Më e rrezikshmja është mohimi i problemit.
Askush nuk po thotë shoqëri femicidale por po po vend ku ndodhin vrasjet e grave nga burrat. Femicid nuk ka vetëm në vendet e pazhvilluara që deputetja po thotë por edhe në vendet demokratike. Nuk ka arritë bota me e zhdukë këtë. Ka arritë vetëm me e denoncu dhe me e luftu këtë.
Dhe Gane, nuk janë raportet ndërkombëtare më të rëndësishme sesa vetë jetët e grave. Por edhe kush është i brengosur për këtë, krejt e dijnë që femicid ka gjithkund. Çështja është se a ka denoncim. Nëse nuk ka, sigurt që edhe ke me përfundu në raporte negative ndërkombëtare.
Mohimi i problemit është garanci për vazhdimin e problemit.
Shpërndaje në
SONDAZH
Loading ...
