PRISHTINË | 18 DHJ 2019 | Nga KosovaLive
Marrëveshja e shumëpritur ndërmjet Lëvizjes Vetëvendosje dhe Lidhjes Demokratike të Kosovës për bashkëqeverisje do të arrihet në kohën e caktuar.
Kështu ka thënë për KosovaLive, kryetari i Mitrovicës, njëherësh anëtar i VV-së, Agim Bahtiri.
Bahtiri nuk ka dhënë një datë të caktuar se kur do të arrihet ky koalicion, por deklaroi se dy subjektet politike janë duke e forcuar besimin ndërmjet njëra-tjetrës.
Andaj thotë se qeveria e ardhshme do të jetë njëra ndër qeveritë më të mira që ka ndodhur deri me tani në Kosovë.
“Shpresoj dhe jam i bindur se marrëveshja do të arrihet sepse nuk ka tjetër zgjedhje. Është një zgjedhje që e kanë dhënë vetë qytetarët dhe në bazë ta asaj zgjedhje për të ndryshuar gjendjen aktuale në Kosovë janë këto dy parti që besoj dhe jam i bindur që këto do të arrijnë në kohën e caktuar”.
“Partitë të cilat po pretendojnë të jenë bashkë për qeverisjen e ardhshme kanë mundësi që të kenë besim të njeri tjetri pak më shumë. I kërkohet kjo kohë për të besuar edhe në fuqizimin e pjesës kryesore të qeverisjes dhe besueshmëria është duke u forcuar dhe do të shohim me kohë se kjo qeverisje do të bëhet dhe do të qeverisin një ndër qeveritë më të mira që kanë ndodhur në Kosovë”, u shpreh Bahtiri.
Ndër të tjera, ai ka ironizuar duke thënë se qeveritë e kaluara i kishin nga 3 deri 4 kryeministra, derisa thotë se Qeveria Kurti do ta ketë vetëm një kryeministër dhe do të jetë një qeveri e suksesshme.
“Qeveritë e tjera i kanë pasur nga 3-4 kryeministra, kjo qeveri do të ketë një kryeministër i cili do të menaxhoj bashkërisht më programin i cili është duke u studiuar për të qenë më të suksesshëm”, ka thënë Bahtiri për KL.
Shpërndaje në
SONDAZH
Loading ...
