Kreu i Grupit Parlamentar të Partisë Socialiste, Taulant Balla ka mirëpritur lajmin e liberalizimit të vizave për Kosovën, jo më larg se 1 janari i vitit 2024.
“Ky është vërtet një lajm i mirë! Më në fund ka një datë finale”, shkruan fillimisht përfaqësuesi socialist.
Sipas tij, edhe pse shumë i vonuar, ky i fundit mbetet një lajm i mirë.
“Edhe pse shumë i vonuar, lajmi i mirë vjen nga Këshilli Evropian ku është rënë dakord që të fillojnë negociatat për liberalizimin e vizave për Kosovën”, shtoi Balla.
Deputeti socialist sqaroi se lëvizja pa viza për qytetarët e Kosovës do të jetë e mundur kur të hyjë në fuqi sistemi evropian i udhëtimit, ETIAS, 1 nëntor i vitit 2023.
“Në rast se do të ketë vonesa për këtë sistem”, vëren kreu i grupit socialist, “liberalizimi i vizave për Kosovën do të hyjë në fuqi jo më vonë se më 1 janar të vitit 2024”.
Shpërndaje në
SONDAZH
Loading ...
