Kancelari gjerman Olaf Scholz njihet për stilin e tij shumë të thjeshtë të të udhëtuarit, ku në përdorim për materialet që i nevojiten, ka një çantë tepër karakteristike, të vjetër, thuajse të rrjepur.
Pikërisht me këtë çantë, ai është parë së fundmi edhe në Samitin mes vendeve të Ballkanit Perëndimor dhe Bashkimit Evropian, i cili po zhvillohet në Tiranë këtë 6 dhjetor.
Çanta madje, ka marrë përmasa legjendare, pasi ashtu si vetë Scholz ka bërë me dije, i daton që prej kohës kur ka qenë student.
Çfarë mban ai aty brenda?
Syzet e leximit, gazetat ditore dhe dokumentet. Kaq. Asgjë më shumë.
Vetë ai e ka thënë këtë gjë disa herë, kur pyetet.
Kancelari gjerman jo pak herë ka thënë se është një person, të cilit i pëlqen së tepërmi shtypi i shkruar dhe është lexues i rregullt gjatë udhëtimeve të tija të punës.
Atij, i pëlqen të jetë i informuar.
Ashtu ka ardhur edhe në Tiranë, si kurdoherë, në çdo udhëtim të tijin zyrtar.
Me valixhen mitike të studentit.
Thjesht Scholz.
Shpërndaje në
SONDAZH
Loading ...
