Reperja e famshme amerikane Cardi B i është bashkuar kastit të filmit “Fast & Furious” që pritet të dal i 9-ti në radhë.
Këtë e ka bërë të ditur njëri nga aktorët kryesor të filmit Vin Diesel përmes një postimi në Instagram, transmeton KosovaLive.
I ashtuquajturi “Domenik” ka shpërndarë një video ku shihet së bashku me Cardi B duke treguar se kanë dhënë gjithçka për filmin e ri “Fast & Furious 9”.
Krijuesja e hiteve si “BodakYellow” dhe “I like it” në videon e publikuar shfaqet mjaft entuziaste.
Ndryshe Fast & Furious është një seri mjfat e suksesshme filmash që ka mbledhur aktorë nga më të popullarizuarit. Ndonëse ende nuk ka një datë të saktë pritet që “Fast & Furious 9” të shfaqet në kinema në vitin e ardhshëm.
