Ish-presidenti amerikan, Bill Clinton, ka shkruar për 25-vjetorin e anëtarisimit të Çekisë, Hungarisë dhe Polonisë në NATO, duke thënë se falë anëtarësimit të tyre, NATO është më e fortë dhe bota është më e sigurt.
“Sot, 25 vjet më parë, anëtarët e NATO-s nënshkruan dokumentet që hapën rrugën për anëtarësimin e Republikës Çeke, Hungarisë dhe Polonisë në aleancë. Tani NATO është më e fortë dhe bota është më e sigurt për shkak të anëtarësimit të tyre”, ka shkruar Clinton në Twitter.
“Ne duhet të vazhdojmë të punojmë drejt paqes dhe stabilitetit në Evropë”, shtoi ai.
Clinton ishte president i SHBA-së gjatë kohës kur NATO bëri ndërhyrjen e parë dhe të vetme deri më tani, duke bombarduar caqet serbe, për shkak të gjenocidit të kryer në Kosovë. Ndërhyrja e NATO-s bëri që Serbia, me në krye Sllobodan Millosheviqin, të dorëzohej dhe përfundimisht të largonte trupat e saj nga territori i Kosovës.
25 years ago today, the NATO members signed the papers that paved the way for the Czech Republic, Hungary and Poland to join the alliance. Now NATO is stronger and the world is more secure because of their membership. We must continue to work toward peace and stability in Europe.
— Bill Clinton (@BillClinton) December 16, 2022
