Ministri i Punëve të Jashtme të Serbisë, Ivica Daçica, ka deklaruar se paralajmërimet e Kosovës për aplikimin për statusin e kandidatit në Bashkimin Evropian në mes të muajit dhjetor janë dëshirë për njohjen e shtetësisë.
Shefi i diplomacisë serbe tha për Happy TV, se siç u shpreh ai “Serbia është një vend i njohur ndërkombëtarisht dhe se në BE, pesë shtetet anëtare të së cilës nuk e kanë njohur Kosovën, vendimet merren me consensus”.
Sipas tij, nuk dihet se kur do të jetë në agjendën e Këshillit të Evropës (KiE) edhe aplikimi i Kosovës për anëtarësim në këtë organizatë.
Kujtojmë se Kosova dorëzoi aplikacionin për t’u bërë pjesë e KiE-së në maj të këtij viti.
Ndërkohë që, ditë më parë, ishte kryeministri Albin Kurti ai I cili bëri me dije se Kosova do të dorëzojë aplikimin për anëtarësim në Bashkimin Evropian në fund të 2022-tës, pra në muajin dhjetor.
