Analisti i politikave në Institutin për Studime të Avancuara GAP, Agron Demi, thotë se qytetarët dhe bizneset e Kosovës dalin më optimistët në rajonin e Ballkanit Perëndimor, ndërsa në anën tjetër kosovarët janë me papunësinë më të lartë në rajon, më të izoluarit e jetojnë në ambientin më të ndotur në rajon.
Demi thotë se sipas raportit te fundit te RCC për vitin 2022, 78% e bizneseve kanë deklaru se presin përmirësim të ekonomisë në 12 muajt e ardhshëm, përkundër asaj që 88% e bizneseve kanë deklaru se kostoja e operimit është rrit dukshëm vitin e fundit, ka shkruar ai në rrjetin social Facebook.
Postimi i plotë i Agron Demit:
Sipas raportit te fundit te RCC për vitin 2022, 78% e bizneseve kanë deklaru se presin përmirësim të ekonomisë në 12 muajt e ardhshëm, përkundër asaj që 88% e bizneseve kanë deklaru se kostoja e operimit është rrit dukshëm vitin e fundit.
Thuajse në secilën pyetje sa i përket të ardhurave individuale dhe familjare, gjendjes së ekonomisë, kënaqësinë me jetën…qytetarët dhe bizneset e Kosovës dalin më optimistët në rajonin e Ballkanit Perendimor. Në anën tjetër, kosovarët janë me papunësinë më të lartë në rajon, më të izoluarit e jetojnë në ambientin më të ndotur në rajon.
Rast për me u studiu se prej nga gjithë ky optimizëm?
