Vajza e aktivistit të vrarë të të drejtave civile me ngjyrë, Malcolm X, thotë se po padit Departamentin e Policisë së qytetit të Nju Jorkut dhe agjenci të tjera për vrasjen e tij në vitin 1965.
Ilyasah Shabazz thotë se zyrtarët amerikanë fshehën me mashtrim provat se ata “konspiruan dhe ekzekutuan planin e tyre për të vrarë” babain e saj.
Ajo njoftoi veprimin e planifikuar ligjor në vendin ku ai u qëllua për vdekje në Nju Jork saktësisht 58 vjet më parë, raporton BBC, përcjell Klankosova.tv.
FBI dhe CIA u përmendën gjithashtu në dosjen ligjore, tha një avokat.
Zonja Shabazz, 60 vjeçe, ishte dy vjeç kur pa të atin të qëlluar me armë. Tre burra të armatosur e qëlluan 21 herë teksa po përgatitej të fliste në një auditor në Harlem.
“Për vjet me radhë, familja jonë ka luftuar që e vërteta të dalë në dritë në lidhje me vrasjen e tij,” tha ajo të martën në vendin e ngjarjes, i cili që atëherë është shndërruar në një vend përkujtimor, përderisa ka paraqitur njoftimet e pretendimeve, një pararendës i një padie.
Në konferencën për shtyp, Benjamin Crump, avokati që përfaqëson familjen, pretendoi se figura të fuqishme në qeverinë amerikane kishin komplotuar për të vrarë Malcolm X.
Ai përmendi ish-drejtorin e FBI-së, J Edgar Hoover gjatë gjithë komenteve të tij.
Crump tha se familja e Malcolm X synon të ngrejë një padi për vdekje të gabuar duke kërkuar dëmshpërblim në rangun prej 100 milion dollarë.
“Nuk është vetëm për shkaktarët,” tha ai. “Bëhet fjalë për ata që komplotuan me shkaktarët për të bërë këtë vepër të neveritshme.”
NYPD tha për BBC-në se nuk do të komentonte mbi çështjet gjyqësore në pritje. FBI dhe CIA nuk iu përgjigjën menjëherë një kërkese për koment.
Malcolm X ishte një zëdhënës kryesor i Kombit të Islamit – i cili mbrojti separatizmin për amerikanët me ngjyrë – përpara ndarjes së tij të ashpër nga organizata. Ai ishte 39 vjeçar kur u vra.
Një burrë, një anëtar i Kombit të Islamit, rrëfeu se e kishte vrarë.
Në vitin 2021, dy burra të tjerë të dënuar për vrasjen e tij u hoqën dënimet pasi një gjykatës i shtetit të Nju Jorkut deklaroi se kishte pasur një gabim drejtësie.
Dy burrat më vonë u shfajësuan plotësisht pasi prokurori i përgjithshëm i Nju Jorkut zbuloi se prokurorët kishin fshehur prova që ndoshta do t’i kishin pastruar nga vrasja.
Familja e burrave të dënuar gabimisht paditën dhe fituan 26 milionë dollarë nga Qyteti i Nju-Jorkut, kurse 10 milionë dollarë nga shteti i Nju-Jorkut.
Shpërndaje në
SONDAZH
Loading ...
