Kryetari i Bashkësisë Islame, myftiu Naim Tërnava, u ka bërë apel partive politike dhe të tjerëve që të tregojnë kulturë dhe sjellje të lartë gjatë fushatës, e cila do të fillojë nga dita e nesërme.
Përmes një postimi në Facebook, Tërnava po ashtu shtoi se si institucion fetar, do të ruajnë paanshmërinë politike.
Postimi i plotë i Tërnavës:
Mesazh me rastin e fillimit të fushatës zgjedhore
Të nderuar qytetarë të Republikës së Kosovës,
Të nderuar kandidatë për deputetë,
Nesër, zyrtarisht hapet fushat zgjedhore për zgjedhjet parlamentare në Republikën e Kosovës.
Si Myfti i Republikës dhe si udhëheqës i njërit prej institucioneve tona më të mëdha fetare dhe jo vetëm, kërkoj nga të gjitha ju që gjatë fushatës të tregoni kulturë dhe sjellje të lartë.
Pavarësisht dallimeve politike, gjërat tjera na bashkojnë, dhe pas datës 6 tetor, prapë bashkë duhet t’i kryejmë punët. Ne, si institucion fetar, do të ruajmë paanshmërinë politike, sepse ju të gjithë na përkisni neve dhe ne iu përkasim juve të gjithëve.
Ndaj, ne emër të Kryesisë së BIRK dhe në emrin tim personal, ju dëshiroj fushatë të ndershme, të qetë dhe pa probleme.
I juaji,
Naim ef. Tërnava
Myfti i Republikës së Kosovës
Shpërndaje në
SONDAZH
Loading ...
