Ministri gjerman i Mbrojtjes Boris Pistorius përsëriti angazhimin e tij ndaj objektivave të shpenzimeve ushtarake të NATO-s dhe tha se Gjermania synon të jetë një partner i fortë ushtarak.
“Ne do të përmbushim objektivat e aftësisë së NATO-s dhe deri në vitin 2025, do të vëmë në dispozicion të Aleancës një divizion të plotë të ushtrisë,” tha Pistorius në Konferencën e Sigurisë së Mynihut, duke iu referuar një njësie prej rreth 10,000 deri në 30,000 trupa.
Në fillim të javë, Pistorius tha se ishte në favor të rritjes së objektivit të shpenzimeve ushtarake të NATO-s – duke thyer ngurrimin afatgjatë gjerman për ta rritur atë përtej 2% të Produktit të Brendshëm Bruto.
Ai mendon se 2%-shit të jetë si dysheme dhe jo tavan, një hap që mund të bihet dakord në samitin e aleancës në Lituani në korrik.
Disa aleatë po bëjnë presion për shpenzime më të larta ushtarake për shkak të luftës në Ukrainë. Në fjalimin e tij në Mynih, Pistorius ritheksoi premtimin e Gjermanisë për të arritur 2%.
“Unë do të punoj shumë për të siguruar që më në fund të arrijmë këtë objektiv të vonuar. Kjo është shumë e rëndësishme për mua,” premtoi ai, ndërsa konfirmoi zotimin e Berlinit për të përmbushur objektivat e aftësive reaguese të NATO-s.
