Sekretari organizativ i Partisë Demokratike të Kosovës (PDK), Betim Gjoshi pas dështimit të votimit të Projektligji për Trustin në Kuvendin e Kosovës ka publikuar emrat e deputetëve të Vetëvendosjes të cilët herën e kaluar tërhoqën para nga Trusti.
Gjoshi ka thënë se Albin Kurti dhe deputetët e tij janë hipokritë, si në çdo rast tjetër.
“Albin Kurti dhe deputetët e tij janë hipokritë, si në çdo rast tjetër. Në njërën anë shtihohen duke na treguar se si dëmtohet Fondi Pensional nëse lejohet tërheqja e 30% të mjeteve, e në anën tjetër vetë i kanë tërhequr këto mjete. Mbajeni mend, vota kundër iniciativës së qytetarëve, mbi 17 mijë sosh të nënshkruar në peticion, është votë direkte kundër qytetarëve të Kosovës.”, ka thënë ai.
Para pak minutave deputetët e Kuvendit të Kosovës i kanë thënë jo një tërheqjeje të re nga Trusti.
Me 55 vota kundër dhe 42 pro është rrëzuar iniciativa e qytetarëve që të lejohet tërheqja e deri 30 për qind të mjeteve të trustit. Kundër ishin deputetët e pushtetit.
Projektligji me të cilin kërkohej të tërhiqej një pjesë e trustit pati shkuar në Kuvend nëpërmjet peticionit me mbi 21 mijë nënshkrime të qytetarëve.
Me ndryshimet ligjore, propozohej që personat të cilët kanë deri në 10 mijë euro kursime, të tërheqin deri në 30 për qind të tyre. Ata që posedojnë 10 deri në 20 mijë, të tërhiqnin 25 për qind përderisa ata që kanë mbledhur mbi 30 mijë euro t’i tërheqin deri në 10 për qind.
Një iniciativë e tillë pati dështuar edhe në qershor të vitit të shkuar. Më 2020, në Kosovë u mundësua për herë të parë tërheqja e 10 për qind të trustit.
Shpërndaje në
SONDAZH
Loading ...
