Çdokujt mund t’i ndodhë të njollosë rrobat me verë.
Para se t’i lani, sigurohuni që të kontrolloni njollat në rroba, nëse ato lahen me dorë, në lavatriçe ose kimikisht.
Nëse rrobat lahen me dorë ose me lavatriçe, mund t’i trajtoni vetë njollat, por nëse specifikohet për pastrim kimik, atëherë çojini te një pastrues profesionist.
Verë e kuqe – njollë e lagësht
Hidhni sodë buke mbi njollë. Kur pjesa pluhur të jetë mpiksur, hiqeni duke e larë butësisht me furçë dhëmbësh.
Edhe pse është një mit popullor që kripa largon njollat nga vera, ne nuk e rekomandojmë fare. Kripa i thekson njollat dhe nuk ndihmon në heqjen e tyre.
Verë e kuqe – njollë e thatë
Lyejeni njollën fillimisht me verë të bardhë. Pas kësaj, spërkatni sodë buke. Lëreni për disa orë. Shpëlajeni me ujë të ftohtë dhe nëse njolla është zhdukur, lani rrobën si zakonisht.
Nëse njolla nuk hiqet, përzieni: gjysmë gote ujë, një çerek gote uthull alkooli, një çerek gote alkool shtëpiak, njomni një leckë në këtë përzierje dhe lyejeni njollën. Shpëlajeni pas disa minutash.
Verë e bardhë
Shpëlajeni njollën fillimisht me ujë të ftohtë. Për rezultate më të mira, kthejeni materialin me kokë poshtë në mënyrë që uji të depërtojë në njollë nga mbrapa. Më pas fërkoni në njollë një sasi të vogël pluhuri larës ose pastrues të njollave, të cilat përdorni zakonisht. Pas disa minutash, vendoseni veshjen e njollosur në lavatriçe dhe lajeni siç do të bënit zakonisht.
Pas larjes, kontrolloni nëse njolla është hequr. Nëse njolla është ende aty, aplikoni një përzierje uji dhe detergjenti për larjen e enëve në njollë, pas disa minutash, lani sërish copën në makinë.
Shpërndaje në
SONDAZH
Loading ...
