Komandanti i KFOR-it, gjeneralmajor Angelo Michele Ristuccia, ka vizituar ushtarët e Komandës Rajonale-Lindore të Ekipit Monitorues Ndërlidhës Grek (LMT) në Zveçan.
Përmes një postimi të KFOR-it, thuhet se Gjeneral Ristuccia mori një përditësim mbi aktivitetet në vazhdim dhe diskutoi me ta situatën e përgjithshme në zonë.
“Ekipet Monitoruese Ndërlidhëse të KFOR-it janë burimi kryesor i vetëdijes së shpërndarë për situatën në terren, duke i lejuar KFOR-it të kuptojë më mirë situatën dhe të përqendrojë përpjekjet e tyre. Këto ekipe janë mjete themelore për krijimin dhe mbajtjen e lidhjeve të përhershme dhe të besueshme ndërmjet KFOR-it dhe autoriteteve lokale, liderëve dhe organizatave ndërkombëtare në nivel komunal.” – thuhet në njoftimin e KFOR-it.
