Kryeministri Albin Kurti, ndalimin e Rada Trajkoviqit nga Serbia në kufirin me Kosovën, e ka quajtur hakmarrje kundër serbëve të Kosovës, të cilët i binden ligjeve të Kosovës.
“Ndalimi 10-orësh kufitar i Dr. Rada Trajkoviqit, këshilltare e ministrit të Kosovës Nenad Rashiq dhe diabetike, për herë të dytë këtë javë nga regjimi autokratik i Serbisë, është një shkelje e rëndë e të drejtave të njeriut dhe hakmarrje tipike kundër serbëve të Kosovës që i binden ligjit”, tha Kurti, ndërsa i etiketoi SHBA-në, Josep Borrellin dhe Miroslav Lajçakun.
Kujtojmë se Trajkoviqi është ndaluar dje nga policia kufitare serbe teksa po shkonte nga Kosova për në Serbi. Ajo aktualisht është duke u mbajtur nga pjesëtarë të BIA-s serbe.
