Shefja e grupit parlamentar të Levizjes Vetëvendsje, Mimoza Kusari – Lila u ka bërë thirrje qytetarëve që ta vlojnë ujin, para se ta konsumojnë.
Këtë thirrje, ajo e ka bërë pas vërshimeve nëpër shumë zona të vendit.
“Përveq zonave të prekura direkt nga vërshimet, edhe zonat e paprekura direkt, po ndikohen pasi sasia e ujit në liqenet natyrale dhe artificiale, prej të cilave furnizohemi me ujin e pijes, është rritur shumë dhe kapacitetet për pastrimin dhe filtrimin e ujit janë të pamjaftueshme.” – ka shkruar tutje ajo.
Në fund, Kusari – Lila ka thënë: “Aktualisht, për t’u pirë, UJI DUHET VLUAR!”
Postimi i plotë:
Të dashur qytetarë të Republikës së Kosovës,
Gjendja e rënduar me vërshimet e ditëve të fundit kërkon angazhimin dhe mobilizimin e të gjitha niveleve institucionale në ndihmë zonave të prekura nga vërshimet.
Aktualisht, të gjitha insitucionet e nivelit qendror dhe lokal po bashkërendojnë veprimet për të sanuar dëmet dhe për të parandaluar më të keqen.
Pjesë e veprimit tonë individual dhe institucional është edhe informimi i drejtë dhe i saktë.
Përveq zonave të prekura direkt nga vërshimet, edhe zonat e paprekura direkt, po ndikohen pasi sasia e ujit në liqenet natyrale dhe artificiale, prej të cilave furnizohemi me ujin e pijes, është rritur shumë dhe kapacitetet për pastrimin dhe filtrimin e ujit janë të pamjaftueshme.
Andaj, për të evituar pasojat e ndikimeve negative në shëndetin publik, ju apeloj të përcjellni njoftimet e Ministria e Shëndetësisë dhe Instituti Kombëtar i Shëndetësisë Publike të Kosovës lidhur me përdorimin e ujit të pijës.
Aktualisht, për t’u pirë, UJI DUHET VLUAR!
Për më saktë, lexoni njoftimin e Ministrisë së Shëndetësisë të bashkangjitur më poshtë!
Shpërndaje në
SONDAZH
Loading ...
