Serbët po protestojnë në mënyrë të organizuar në katër barrikada në rrugën Jarinje – Zveçan dhe në njërën në rrugën kryesore ndërmjet Mitrovicës dhe Liqenit të Ujmanit.
Nuk dihet ende se çfarë ka ndodhur saktësisht te liqeni i Ujmanit, i cili për momentin është pothuajse i pamundur për t’u arritur për shkak të kalimit të mbyllur të Bërnjakut nga njëra anë dhe barrikadës nga ana tjetër.
Java ishte mjaft e tensionuar dhe dita u shënua nga thirrjet e BE-së, Britanisë së Madhe dhe SHBA-së për heqjen e barrikadave dhe de-përshkallëzimin urgjent të situatës, si dhe me seancat e Këshillit të Sigurimit në Serbi e Kosovë.
Në veri të Kosovës që nga mëngjesi i sotëm pothuajse nuk është bërë asgjë dhe fëmijët nuk janë në shkollë. Siç u tha prindërve, deri në një njoftim të dytë. Sot funksiononin pa probleme vetëm shërbimet e pastrimit të qytetit, farmacitë, dyqanet dhe furrat e bukës.
Falë prodhuesve dhe distributorëve vendas, të gjitha sendet ushqimore të nevojshme mbërritën në kohë këtë mëngjes./Nova
Shpërndaje në
SONDAZH
Loading ...
