Në mbledhjen e 136-të të Qeverisë së Republikës së Kosovës u miratua Projektligji për Agjencinë e Inteligjencës dhe Sigurisë së Mbrojtjes.
Sipas Ministrisë së Mbrojtjes kjo shënon një hap të rëndësishëm në fushën e mbrojtjes dhe sigurisë së vendit.
Kjo agjenci do të ushtrojë aktivitetin e saj brenda dhe jashtë territorit të Republikës së Kosovës me qëllim të mbështetjes së Ministrisë së Mbrojtjes (MM) dhe Forcës së Sigurisë së Kosovës (FSK) në fushën e zbulimit, kundërzbulimit dhe sigurisë lidhur me kërcënimet apo rreziqet e mundshme për kryerjen e misionit të tyre kushtetues dhe ligjor.
