Instituti Hidrometeorologjik i Kosovës njoftoi se java e ardhshme do të nisë e vranët dhe me intervale me diell. Në mëngjes parashihen ngrica të dobëta, ndërsa në ultësira do të paraqiten kushte për mjegull.
IHMK-ja njoftoi se gjatë së martës, temperaturat minimale do të mbeten rreth zeros, ndërsa ato maksimalet do të jenë mbi vlerat mesatare.
“E mërkurë, mot i vranët dhe me reshje shiu. Temperaturat minimale do të shënojnë vlera pozitive, ndërsa maksimalet e ditës do të shënojnë ulje në krahasim me ditën e martë”, thuhet në njoftim.
Instituti bëri të ditur se të enjten, temperaturat do të ulen, e moti do të jetë i vranët dhe i freskët, ndërsa gjatë së premtes, temperaturat maksimale do të shënojnë ngritje të lehta.
Gjatë këtyre pesë ditëve, sipas IHMK-së, do të fryjë erë kryesisht nga jugu dhe verilindja, me shpejtësi 1-7 m/s.
“Sasitë e reshjeve të fundit ishin nga 4 deri 70 l/m 2 në rrafshin e Dukagjinit, derisa të njëjtat në rrafshin e Kosovës kanë variuar nga 5 deri 43 l/m 2”, thuhet në njoftim.
Shpërndaje në
SONDAZH
Loading ...
