Deklarata e deputetes së Lëvizjes Vetëvendosje, Saranda Bogujevcit u bë shkas që e njëjta të shahet e ofendohet nga qytetarët në rrjete sociale.
Në mbrojtje të saj ka dalë deputetja e Partisë Demokratike të Kosovës, Ganimete Musliu e cila ka shkruar se “grua e fortë nuk do të thotë vetëm ta kërkosh e ta mbrosh të drejtën tënde”.
“Grua e fortë nuk do të thotë vetëm ta kërkosh e ta mbrosh të drejtën tënde. Grua e fortë do të thotë kur ti del mbi interesat personale e partiake për të respektuar të drejtën e një gruaje tjetër pa dallim partie, ngjyre, feje apo çka do tjetër. Vlerat tona nuk mbrohen duke tentuar ti ndryshojmë njerëzit”, ka shkruar Musliu.
Postimi i plotë:
Grua e fortë nuk do të thotë vetem ta kërkosh e ta mbrosh të drejtën tënde. Grua e fortë do të thot kur ti del mbi interesat përsonale e partiake për të respektuar të drejtën e një gruaje tjetër pa dallim partie, ngjyre, feje apo çka do tjetër. Vlerat tona nuk mbrohen duke tentuar ti ndryshojmë njerzit. Vlerat tona mbrohen duke e respektuar secilin për atë që është! E di qe Saranda nuk ka nevojë për mbrojtje por duke kujtuar të kaluaren tonë jo të larget kur nuk kishim të drejt të jetonim të lirë, e kemi obligim si shoqëri ta respektojmë Lirinë e secilit prej nesh, pa harruar qe Saranda pagoi çmim të madh për këtë Liri.
