Presidenti i Serbisë Aleksandër Vuçiq rreth orës 20:00 sonte pritet të zhvillojë një takim me serbët që po qëndrojnë në barrikadat në veriun e shtetit të Kosovës. Kështu pohon një burim i besueshëm i kosovalive.net. Takimi pohohet se do të mbahet në Rashkë, në territorin e Serbisë, shumë afër me Kosovën.
Vuçiq takimin do ta mbaj nën trysninë në rritje e të fortë të bashkësisë ndërkombëtare, me theks të veçantë të Shteteve të Bashkuara të Amerikës, thekson burimi ynë.
Presidenti I Serbisë mban përgjegjësi direkte për nxitjen e grupeve të dyshuara kriminale të serbëve në veri të Kosovës, të cilët tash e19 ditë, po i mbajnë të bllokuara rrugët kryesorë në pjesën veriore të Republikës së Kosovës.
Nga kritikët, analistë të njohur ndërkombëtarë, Vuçiq është kritikuar ashpër se nën bashkëpunimin me Rusinë po e dëshiron një konflikt të ri të Ballkan.
Ushtarakë të lartë të NATO-s ia kanë bërë të qartë Serbisë se ajo nuk mund asesi të shkaktojë luftë ose të pretendojë që të ndërhyjë ushtarakisht në Kosovë.
Kryeministri Kurti se fundi është treguar I kujdesshëm duke u koordinuar më KFOR-in, Quintin dhe aleatët në mënyrë që t’i jepet shans bisedimeve dhe të mos përdorët forca për largimin e barrikadave.
Sidoqoftë sot kryeministri në mbledhjen e Qeverisë dhe në konferencën që e pati për medie shprehu zemërimin duke theksuar se edhe pritja e ka një kufi, duke kërkuar kështu nga mekanizmat ndërkombëtare që të intervenojnë për të mos e lënë situatën kritike atje që të eskalojë./Kosovalive.net/
Shpërndaje në
SONDAZH
Loading ...
