Ish-kryeministri i Kosovës, Avdullah Hoti, ka vizituar familje e biznese në Skenderaj që janë dëmtuar nga vërshimet e fundit.
Hoti në një postim në rrjetin social “Facebook”, ka shkruar se duhet ndihmë urgjente për këto familje për të riparuar dëmet në shtëpitë e tyre.
“Pres që niveli qendror të ndajë sa më parë një fond emergjent, ku secilës familje i ndihmohet me një shumë fikse për blerjen e pajisjeve elementare shtëpiake dhe për meremetimet e nevojshme, në mënyrë që të kthehen sa më parë në shtëpitë e tyre. Ndihma duhet urgjent”, ka shkruar Hoti.
Postimi i plotë i Hotit, pa ndërhyrje:
Sot, me bashkëpunëtorë vizituam disa familje dhe biznese në Skënderaj që u dëmtuan nga vërshimet e fundit. Për fat të mirë nuk kishte dëme në njerëz, por ka qindra shtëpi që janë të pa banueshme.
Duhet ndihmë urgjente për këto familje për të riparuar dëmet në shtëpitë e tyre.
Pres që niveli qendror të ndajë sa më parë një fond emergjent, ku secilës familje i ndihmohet me një shumë fikse për blerjen e pajisjeve elementare shtëpiake dhe për meremetinet e nevojshme, në mënyrë që të kthehen sa më parë në shtëpitë e tyre. Në ndërkohë mund të bëhet vlerësimi i dëmëve, si në shtëpi ashtu edhe në biznese.
Ndihma duhet urgjent.
Shpërndaje në
SONDAZH
Loading ...
