Testi i raketave balistike të Turqisë po “frikëson” Athinën, tha presidenti turk Rexhep Tajip Erdogan, duke argumentuar se Ankaraja nuk do të rrijë duarkryq nëse Greqia vazhdon të armatosë ishujt e Egjeut.
“Tani kemi filluar të prodhojmë raketat tona. Sigurisht, ky prodhim e frikëson Greqinë,” tha Erdogan në një fjalim në qytetin turk të Samsunit.
Në tetor, Turqia lëshoi një raketë balistike me rreze të shkurtër veprimi të prodhuar në vend, të quajtur Tayfun, mbi Detin e Zi. Sipas të dhënave të Ministrisë së Mbrojtjes së Turqisë, raketa mund të godasë objektivat në një distancë prej 561 kilometrash në 456 sekonda.
“Ti thua ‘Tayfun’ dhe kanë frikë, thonë se mund të godasë Athinën. Po, sigurisht që mund të godasë. Nëse nuk qëndroni të qetë, nëse përpiqeni t’i vendosni armët që keni marrë nga SHBA në ishuj. Një vend si Turqia sigurisht që nuk do të shkojë vërdallë duke mbledhur dardha. Ai duhet të bëjë diçka”, tha Erdogan.
Shpërndaje në
SONDAZH
Loading ...
