Presidentja e vendit, Vjosa Osmani, ka pritur sot në takim zëvendëskryeministren dhe ministren e Punëve të Jashtme të Sllovenisë, Tanja Fajon.
Pas këtij takimi, Osmani ka postuar disa fotografi në llogarinë e saj në Facebook dhe ka shkruar se Sllovenia mbetet një nga aleatet më të rëndësishme të popullit të Kosovës.
“Sot, bashkë me Zëvendëskryeministren dhe Ministren e Punëve të Jashtme të Sllovenisë, Tanja Fajon, diskutuam për thellimin e bashkëpunimit ndërshtetëror si dhe përpjekjet tona të përbashkëta për paqe dhe stabilitet në Ballkanin Perëndimor”.
