Presidenti i Maqedonisë së Veriut, Stevo Pendarovski, ka deklaruar sot se Maqedonia e Veriut mbështet dialogun ndërmjet Prishtinës dhe Beogradit për “gjetjen e një zgjidhjeje gjithëpërfshirëse dhe normalizimin e marrëdhënieve mes dy vendeve me ndërmjetësimin e BE-së dhe SHBA-së”.
Kabineti i presidentit të Maqedonisë së Veriut ka njoftuar se Pendarovski këtë e tha në një takim me përfaqësuesin special të BE-së për Ballkanin Perëndimor dhe dialogun ndërmjet Prishtinës dhe Beogradit, Miroslav Lajçak, në rezidencën presidenciale “Vila Vodno”.
Në atë takim u diskutua për ngjarjet e fundit në Ballkanin Perëndimor, situatën në Kosovë dhe pritjet nga dialogu, ndikimin e pushtimit rus në Ukrainë dhe domosdoshmërinë e ruajtjes së stabilitetit rajonal.
Presidenti i Maqedonisë së Veriut theksoi se zgjidhja paqësore e çështjeve të hapura në Ballkanin Perëndimor duhet të jetë imperativ absolut për të gjithë.
“Maqedonia e Veriut, si edhe më parë, në mënyrë aktive do të kontribuojë në përmirësimin e bashkëpunimit rajonal për të siguruar paqen, stabilitetin dhe përparimin e rajonit”, tha Pendarovski.
Shpërndaje në
SONDAZH
Loading ...
