Policia izraelite ka arrestuar 42 persona në lidhje me të shtënat vdekjeprurëse në një sinagogë në Jerusalemin Lindor, ku shtatë persona u vranë dhe të paktën tre të tjerë u plagosën.
Policia izraelite tha se personi i armatosur në sulmin e së shtunës ishte një djalë 13-vjeçar. Policia tha se më pas oficerët e qëlluan atë për vdekje.
Sulmi ndodhi në lagjen Silwan, pak jashtë qytetit të vjetër të Jerusalemit. Dyshja e plagosur ishin baba dhe bir.
Në përgjigje të dy sulmeve, autoritetet kanë pozicionuar oficerë nga një njësi kundër terrorizmit në zonën e Jerusalemit “për të reaguar menjëherë ndaj ngjarjeve të jashtëzakonshme sa herë që është e nevojshme”.
Personi që sulmoi sinagogën të premten u identifikua nga mediat lokale si një palestinez nga Jerusalemi Lindor, të cilin policia e përshkroi si “terrorist”.
Adhuruesit izraelitë ishin mbledhur për lutje në fillim të Shabatit hebre në një sinagogë në lagjen Neve Yaakov të qytetit dhe po largoheshin kur personi i armatosur hapi zjarr, rreth orës 20:15 me kohën lokale.
Grupet militante palestineze vlerësuan sulmin, por nuk thanë se një nga anëtarët e tyre ishte përgjegjës.
Tensionet kanë qenë të larta që kur nëntë palestinezë – militantë dhe civilë – u vranë gjatë një sulmi ushtarak izraelit në Jenin në Bregun e pushtuar Perëndimor, të enjten.
Kjo u pasua nga gjuajtja me raketa në Izrael nga Gaza, të cilës Izraeli iu përgjigj me sulme ajrore, raporton Guardian, transmeton Klankosova.tv.
Të shtënat në sinagogë ndodhën në Ditën e Përkujtimit të Holokaustit, e cila përkujton gjashtë milionë hebrenj dhe viktima të tjera që u vranë në Holokaust nga regjimi nazist në Gjermani.
Izraeli e ka pushtuar Jerusalemin Lindor që nga lufta e Lindjes së Mesme të vitit 1967 dhe e konsideron të gjithë qytetin kryeqytet të tij, megjithëse kjo nuk njihet nga shumica dërrmuese e komunitetit ndërkombëtar.
Palestinezët pretendojnë Jerusalemin Lindor si kryeqytetin e ardhshëm të një shteti të pavarur të shpresuar.
