Presidenti i Sudanit të Jugut, Salva Kiir, urinoi në mënyrë të pakontrolluar gjatë hapjes zyrtare të një rruge javën e kaluar. Kjo ngjarje filloi një debat në publik nëse Kiir është i përshtatshëm për të mbajtur poste publike, shkruan DailyMail.
Ndërsa intonohej himni kombëtar duke përuruar një rrugë të re javën e kaluar, Kiir, 71 vjeç, fillimisht nuk ishte në dijeni të asaj që po ndodhte. Pasi urina po dilte nën këmbët e tij, u vu re nga bashkëpunëtorët e tij dhe grupi i xhirimit që po transmetonte drejtpërdrejt ngjarjen e ktheu papritur kamerën nga ceremonia.
Njerëzit, duke përfshirë politikanë dhe avokatë nga Uganda, Nigeria dhe Kenia, dolën menjëherë në mediat sociale për të diskutuar incidentin. Ka pasur shqetësime për sundimin e gjatë të Kiir: ai ka qenë në pushtet që nga pavarësia më 2011 dhe Sudani i Jugut nuk ka mbajtur zgjedhje që atëherë. Vendi pritet të mbajë zgjedhje më 2024.
Shumë thanë se incidenti tregoi se Kiir nuk është mjaftueshëm i mirë për të sunduar një komb që përballet me sfida intensive, uri akute, konflikte dhe tronditje klimatike. Të tjerë kritikuan shpërndarjen e pamjeve në rrjetet sociale, duke u ankuar se ishte mungesë respekti ndaj një burri të moshës së tij.
Shpërndaje në
SONDAZH
Loading ...
