Duke qenë ndër personazhet më të pëlqyera të ekranit, Luana Vjollca nuk heziton të vë në plan të parë dukjen e saj në postimet që i bën në rrjetet sociale.
Moderatorja e bukur ndiqet nga më shumë se dy milionë fansa në Instagram, profilin e zgjedhur për imazhet që tregojnë hiret e saj.
Ajo është rikthyer me emision të ri një tjetër televizion shqiptar dhe fansat e saj e kanë mirëpritur pas pauzës që kishte bërë.
Në vazhdën e publikimeve në rrjetet sociale, gjatë të hënës, Luana i ka publikuar disa fotografi me veshjen nga emisioni, në të cilat shfaqet me fustan të zi të shkurtër që tregon figurën e admiruar trupore.
Mirëpo vëmendje të madhe ka marrë thënia, të cilën bukuroshja e ka zgjedhur në përshkrimin e këtyre imazheve.
“Qentë le të lehin, karvani ecën përpara”, është thënia e zgjedhur për këto fotografi.F
Nuk dihet nëse është kjo një kundërpërgjigje virtuale ndaj ironizimit të aluduar të aktori dhe moderatori, Donald Veshaj.
Më herët është spekuluar se komiku që u bë i popullarizuar për publikun e gjerë me pjesëmarrjen në ‘Big Brother VIP’, kishte ironizuar me Luanën përmes një postimi në InstaStory.
Ai citohej të ketë thënë: “Hej si jeni? Kush e do një video për dashurinë që më jepni, për statistika, për klikime e për kështu gjërash. Apo jo? Më mirë jo, e lëmë, e lëmë”, që aludohej të kishte të bënte me falënderimin që shprehu moderatorja ndaj publikut për mirëpritjen e emisionit.
Ka pasur fansa që e kanë etiketuar Donaldin, derisa nuk ka munguar një koment i Beatrix Ramosajt: “Vajzë, tregoju si bëhet!”.
