E mbani mend kur “Lemonade” e Beyonce-s u lansua dhe bota u bë menjëherë spektatore e pretendimeve tronditëse se Jay-Z e tradhtoi atë me një “Becky me flokët e bukur?”.
Shumë njerëz nuk ndalen kur bëhet fjalë për Beyoncé, dhe fansat e saj besnikë u vunë menjëherë në punë për të zbuluar misterin se kush mund të ishte Becky në “Sorry”. Ishte një emër i vërtetë? Ishte e sajuar?
Disa zbulime në internet çuan te këngëtarja britanike, Rita Ora. Provat ishin të thjeshta: Ora ishte nënshkruar në Roc Nation të Jay-Z dhe disa ditë pasi Lemonade u publikua, ajo postoi një foto të saj të veshur me një gjerdan “J” dhe një sytjena ngjyrë՟ limoni.
Ora përfundimisht i mbyti thashethemet kur postoi një foto të buzëqeshur me Beyonce në Met Gala pak më vonë. Ajo gjithashtu bëri një postim në Twitter duke shkruar se Becky NUK është ajo.
Në një intervistë të re me Louis Theroux, Ora foli sërish për këtë. “Ishte literalisht një rastësi,” tha ajo.
Po gjerdani? Duket sikur faji është një rrokullisje e pafat e kamerës. “Nuk ishte një ‘J’, ishte një ‘R’,” shpjegoi ajo. “Ata e rrotulluan atë dhe më pas u duk si një ‘J’.”
Ora më tej shpjegon se postimi ishte një reklamë për kompaninë e të brendshmeve, Tezenis. Po si e morën lajmin miqtë e saj? “Më duhej të qëndroja në të derisa një mikesha ime e mirë, Katy Perry, më dha një distinktiv qesharak që thoshte ‘jo Becky’”.
Sa për identitetin e vërtetë të Becky, askush nuk e di. Rachel Roy, një stiliste me të cilën Jay-Z u përfol se ishte i lidhur disa vite para këngës, nxiti thashethme me një postim jo shumë delikat në Instagram duke sugjeruar se ajo ishte Becky. Për disa arsye, Gwyneth Paltrow u akuzua gjithashtu. /Prive.al
Shpërndaje në
SONDAZH
Loading ...
