Dy pasagjerë kanë vdekur dhe piloti i tyre mbeti i plagosur rëndë pasi një helikopter u rrëzua në Norvegjinë perëndimore.
Avioni u rrëzua të martën në mëngjes në një fushë jashtë qytetit të Verdal, tha policia në një deklaratë.
Policia norvegjeze ka identifikuar pasagjerët e vdekur, një burrë dhe një grua norvegjeze, të dy të moshës 68 vjeç. Piloti u gjet i gjallë në vendin e përplasjes dhe u dërgua me urgjencë në një spital në qytetin e Trondheim, shkruan Euronews, transmeton Klankosova.tv.
Mediat lokale raportojnë se helikopteri kishte bërë disa përpjekje të pasuksesshme për t’u ulur jashtë një zone me mjegull.
Ekspertët mjeko-ligjorë po punonin në bashkëpunim me Bordin Norvegjez të Hetimit të Aksidenteve Ajrore për të përcaktuar shkakun e rrëzimit.
