Pesë persona, që ndodheshin në një aeroplan për shërbime mjekësore, vdiqën të premten në mbrëmje pas rrëzimit të këtij aeroplani në pjesën perëndimore të Nevadës së SHBA-së, thanë zyrtarët e këtij vendi.
Piloti, infermieri i fluturimit, një mjek, një pacient dhe një anëtar i familjes së pacientit vdiqën, kur aeroplani u rrëzua afër vendbanimit të quajtur Stagecoach, sipas shërbimit “Care Flight” të organizatës “REMSA Health”, raporton CNN.
“Me zemër të thyer raportojmë se tash e kemi marrë konfirmimin nga Departamenti Qendror i Zjarrfikësve të Distriktit të Lyon-it se asnjëri nga pesë pasagjerët nuk ka mbijetuar”- thuhet në një deklaratë të organizatës. “Jemi në procesin e njoftimit të anëtarëve të familjeve të tyre”- thuhet më tej.
Departamenti i Zjarrfikësve dhe policia lokale janë duke u bashkërenduar me Bordin Kombëtar të Sigurisë së Transportit për ta përcaktuar shkaktarin e rrëzimit, tha shërbimi “Care Flight”.
Shpërndaje në
SONDAZH
Loading ...
