Ministrja e arsimit, Arbërie Nagavci ka thënë se orët e humbura gjatë grevës duhet të zëvendësohen të shtunave.
Por, Luljeta Boshnjaku, anëtare e Këshillit Drejtues të SBASHK-ut, thotë për Gazeta Blic se orët e humbura nuk do të zëvendësohen.
Ajo thotë se vendimi i MASHT-it është i njëanshëm.
Boshnjaku deklaron se ky vendim nuk është respektuar as të shtunën e kaluar në 70 për qind të shkollave të Kosovës.
“Vendimi i MASHT-it është i njëanshëm, të cilin edhe të shtunën e kaluar, 70 për qind e shkollave në Kosovë nuk e kanë përkrahur, në shumicën e komunave nuk e kanë përkrahur as prindërit. Kur them se nuk e kanë përkrahur, pra nuk i kanë dërguar fëmijët në shkolla. Vendimin e ministrisë ne nuk mund të përzihemi sepse e kanë të drejtën e tyre, por mendoj se nuk është në rregull dhe së pari nuk është dashur që të jetë i njëanshëm por është çështje e ministrisë”, thotë ajo.
Por, a do të respektohet ky vendim apo do të vazhdojë të mos respektohet?
Ajo deklaron se orët e humbura nuk do të zëvendësohen.
“Nuk e besoj. Ne bazohemi në Kontratën Kolektive që orët e humbura nuk zëvendësohen, kështu që mbetet të shihet në të shtunën e ardhshme”, u shpreh Luljeta Boshnjaku nga SBASHK
Shpërndaje në
SONDAZH
Loading ...
