Shtetet e Bashkuara vendosën sanksione mbi ministrat dhe zyrtarë të tjerë të lartë turq në përgjigje të ofensivës së Ankarasë në veriun e Sirisë.
Në shenjestër janë sidomos Ministria e Mbrojtjes, e Brendshme dhe ajo e Energjetikës. Masat e marra përfshijnë ngrirjen e aseteve të personave në fjalë, dhe u ndalojnë atyre çdo transaksion që përfshin sistemin financiar amerikan.
Presidenti i SHBA-së Donald Trump më herët i telefonoi homologut të tij turk Recep Tayyip Erdogan dhe i ka kërkuar me tonë të ashpra fundin e menjëhershëm të ofensivës turke në Sirinë veriore. Pohimin e bëri numri dy i qeverisë amerikane, Mike Pence, i cili sqaroi se do të nisej sa më shpejt në rajon për negocimin e një armëpushimi.
Kurdët, që ndihen të tradhtuar nga Amerika, forcat e Erdoganit hynë në veri të Sirisë, duke i detyruar kurdët, ish-aleatë të SHBA-së që t’i drejtoheshin presidentit sirian Bashar al-Assad për ndihmë.
Sipas Pence, presidenti është “shumë i shqetësuar për paqëndrueshmërinë në rajon”, megjithatë ai mohoi që të gjithë këtë situatë ta ketë nisur Trump duke këmbëngulur se kreu i shtetit nuk ia dha ‘dritën jeshile’ ndërhyrjes turke me tërheqjen e trupave amerikane.
Presidenti amerikan shkroi në Twitter se e kishte lënë vënë fatin e kurdëve në duart e diktatorit sirian Bashar al-Asad, regjimin e të cilit në të njëjtin mesazh e quante “armiku ynë”.
Shpërndaje në
SONDAZH
Loading ...
