Shumë kush nga ne tashmë e njeh Steve Jobsin, njeriu i cili transformoi teknologjinë moderne dhe ende po bëhen përmirësime bazuar në modelin e tij.
Ndonëse Jobs ka qenë një njeri i cili më shumë dominonte dhe shumë pak herë zmbrapsej, ai asnjëherë nuk harronte këto pesë filozofi për suksesin të cilat e shoqëruan atë deri në fund.
Idetë pa vepra nuk janë ide, janë pendesë
Kështu u shpreh Steve Jobs në një konferencë ku u prezantua kompjuteri Macintosh.
Jobs u shpreh para publikut dhe para punëtorëve të tij se, “nuk duhet të lejoni ankthet tuaja t’iu pushtojnë vetëm për një ide. Besoni tek idetë tuaja, besoni në analizën tuaj, gjykimet tuaja dhe instinktet tuaja”, përcjell Telegrafi.
Këmbëngul
Steve Jobs besonte se dallimi mes ndërmarrësve të suksesshëm dhe sipërmarrësve jo të suksesshëm është aftësia e tyre për të këmbëngulur.
Në një intervistë, ai u shpreh njëherë se, “të këmbëngulësh për më shumë është aftësi e veçantë. Zgjohu herët, rri në punë deri vonë, shkruaj një e-mail më shumë, bëj kërkime më shumë. Bëj çdo gjë më shumë”.
Mbështetu tek skuadra jote
Jobs u shpreh se grupi i njohur i muzikës “Beatles” ishte modeli i tij i biznesit, pasi e shikonte të habitshme mënyrën se si ata mbështeteshin tek njëri-tjetri për çdo gjë në lidhje me muzikën e tyre dhe rezultati në fund ishte fantastik. Me këtë shembull ai donte të theksonte faktin se në biznes gjërat e mëdha nuk bëhen asnjëherë vetëm nga një njeri, ato bëhen gjithmonë nga një ekip.
Përqafo dështimin
“Gjithmonë kur bën inovacione, bëhen gabime. Është mirë që t’i pranosh ato gabime dhe të vazhdosh të përmirësosh inovacionet e tua të reja”. Këtë gjë Steve Jobs e kuptonte shumë mirë dhe mbase kjo ka qenë motoja që e shtyu atë që të mos dorëzohej asnjëherë.
Ndonjëherë, një gjë që është jashtë kontrollit tonë dhe kjo do të na bëjë që të dështojmë. Shumë njerëz të suksesshëm si ai kanë bërë shumë gabime, prandaj përqafoje dështimin, mëso nga dështimi dhe herës tjetër të bëni një plan se si gjërat mund të shkojnë ndryshe.
Asnjëherë mos rri aty ku je, vazhdo të ngjitesh
Kjo është një këshillë që e përqafojnë shumë njerëz dhe përpiqen që ta shpërndajnë këtë filozofi suksesi. Por Steve Jobs dinte mënyrën më të mirë se si ta shpjegonte atë. Ai shprehej se puna do përbëjë pothuajse gjithë jetën tuaj në vazhdim. Dhe mënyra më e mirë për t’u kënaqur në punë është që të bësh punë të mëdha dhe për të bërë punë të mëdha duhet të duash atë që bën.
Në qoftë se nuk je i kënaqur me atë që bën, vazhdo të kërkosh, mos rri në vend.
Shpërndaje në
SONDAZH
Loading ...
