Ish-kryenegociatorja e Kosovës në bisedimet me Serbinë, Edita Tahiri, ka reaguar pasi krerët e shtetit të Serbisë sulmuan ashpër ambasadorin e Gjermanisë në Kosovë për deklaratat e tij për veriun.
Tahiri ka thënë se presidenti i Serbisë, Aleksandar Vuçiq është i mllefosur ndaj Gjermanisë pasi që ata ia ndaluan dominimin në Ballkan.
Përveç kësaj, Tahiri ka thënë se edhe “rrëzimi i Ballkanit të Hapur” nga ana e Gjermanisë, është një arsye tjetër pse ka sulme ndaj tyre.
“Vucici u shpreh i mllefosur ndaj Gjermanise dje, sepse iluzionet e tij per dominimin e Ballkanit perfundimisht u shuan nga Gjermania – duke qene se Gjermania vuri ne qender Ballkanin perendimor ndersa rrezoi ‘Ballkanin e hapur’.”, ka shkruar ajo.
Ndryshe ambasadori gjerman, Jorn Rohde hodhi kritika të shumta ndaj strukturave kriminale serbe në veri të vendit dhe kërkoi largimin e barrikadave para Krishtilindjeve.
Ky deklarim i Rohde nxiti sulmet e Beogradit zyrtar ndaj tij.
