PRISHTINË | 17 DHJ 2019 | Nga KosovaLive
Luan Maloku, këshilltar i zëvendëskryeministrit të Kosovës, Fatmir Limaj është plagosur sot në orët e pasdites në Veternik të Prishtinës.
Gjithçka ndodhi rreth orës 17:00 në lagjen Veternik në dalje të Prishtinës, shkruan lajmi.net.
Policia ka treguar se gjendja e Malokut është stabile dhe jashtë rrezikut për jetë.
Lajmi.net nga burimet e veta ka mësuar se të dyshuar në këtë rast janë dy njerëz të afërm të Luan Malokut, konkretisht vëllau i ish-gruas së tij dhe babai i ish-gruas.
Maloku siç mëson lajmi.net është ndarë së fundmi nga bashkëshortja e tij, dhe si të dyshuar për plagosjen janë O.G dhe U.G (emra të njohur për redaksinë), familjarë të ish-gruas së Malokut.
Policia e Kosovës ka treguar për lajmi.net se ka arrestuar njërin nga të dyshuarit e rastit në fjalë.
Po ashtu, pas arrestimit është konfiskuar edhe arma e cila dyshohet se është përdorur në rast.
Detaje të tjera rreth motivit të plagosjes ende nuk dihen teksa nga Policia e Kosovës kanë bërë të ditur se janë duke punuar intensivisht për zbardhjen e rrethanave të plota.
Shpërndaje në
SONDAZH
Loading ...
