Bordi i Ankesave në AKPM është organ mjaft i rëndësishëm i cili themelohet bazuar në nenin 8 të Ligjit për Produkte dhe Pajisje Medicinale.
Ky Bord sipas këtij neni, ka përgjegjësi për shqyrtimin e çdo ankese të ngritur nga një subjekt ose person fizik, përkitazi me vendime të nxjerra nga AKPPM, në bazë të këtij ligji dhe akteve nën-ligjore të nxjerra në pajtim me këtë ligj.
Ndryshe ky Bord ka kompetencë për rrëzimin e vendimeve të AKPM-së në lidhje me barnat, qoftë përmes ankesave të kompanive farmaceutike apo individëve.
Sipas vendimit që e ka parë Gazeta, Bordi do të kompensohet për punën e tyre.
Kjo nuk është hera e parë që në institucionet shëndetësore marrin pozita njerëz të lidhur me Kusari-Lilën. Më parë Gazeta ka raportuar se Albert Lila ish-kandidati për deputet nga partia Alternativa e cila udhëhiqet nga Mimoza-Kusari-Lila dhe kushëri i bashkëshortit të Kusari-Lilës, ishte përzgjedhur drejtor në Qendrën Kombëtare të Mjekësisë së Punës në Gjakovë.
Shkumbin Spahiu, dhëndri i shefes së Grupit Parlamentar të LVV-së Mimoza Kusari-Lilës, është emëruar në Bordin e Ankesave në AKPM nga ud.ministrja Dafina Gexha-Bunjaku.
Ushtruesja e detyrës së ministrit të Shëndetësisë, Dafina Gexha-Bunjaku, më 31 tetor ka emëruar përbërjen e re të Bordit të Ankesave në Agjencinë për Produkte dhe Pajisje Medicinale, shkruan Gazeta Shneta.
Në këtë Bord janë tre anëtarë me mandat tre-vjeçar të cilët emërohen nga ministri i Shëndetësisë bazuar në Ligjin për Produkte dhe Pajisje Medicinale. Gexha-Bunjaku ka emëruar Meliza Qorraj, Shkumbin Spahiun dhe Gëzim Berishën.
Shkumbin Spahiu është bashkëshorti i motrës së deputetes dhe shefes së Grupit Parlamentar të Lëvizjes Vetëvendosje Mimoza Kusari-Lila. Spahiu poashtu është drejtor ekzekutiv në një organizatë joqeveritare e cila bashkëpunon edhe me bashkëshortin e Kusari-Lilës, Arben Lila.
Gazeta ka kërkuar sqarime nga Gexha-Bunjaku për këtë emërim, por e njëjta nuk ka kthyer përgjigje. Përgjigje nuk kanë kthyer as Spahiu dhe as Kusari-Lila, nëse emërimi është bërë me ndikim politik.
Shkumbin Spahiu bashkë me dy anëtarët tjerë të Bordit të Ankesave gjatë një takimi me ud.kryeshefin e AKPM-së, Sejdë Tolaj.
Bordi i Ankesave në AKPM është organ mjaft i rëndësishëm i cili themelohet bazuar në nenin 8 të Ligjit për Produkte dhe Pajisje Medicinale. Ky Bord sipas këtij neni, ka përgjegjësi për shqyrtimin e çdo ankese të ngritur nga një subjekt ose person fizik, përkitazi me vendime të nxjerra nga AKPPM, në bazë të këtij ligji dhe akteve nën-ligjore të nxjerra në pajtim me këtë ligj.
Ndryshe ky Bord ka kompetencë për rrëzimin e vendimeve të AKPM-së në lidhje me barnat, qoftë përmes ankesave të kompanive farmaceutike apo individëve.
Sipas vendimit që e ka parë Gazeta, Bordi do të kompensohet për punën e tyre.
Kjo nuk është hera e parë që në institucionet shëndetësore marrin pozita njerëz të lidhur me Kusari-Lilën. Më parë Gazeta ka raportuar se Albert Lila ish-kandidati për deputet nga partia Alternativa e cila udhëhiqet nga Mimoza-Kusari-Lila dhe kushëri i bashkëshortit të Kusari-Lilës, ishte përzgjedhur drejtor në Qendrën Kombëtare të Mjekësisë së Punës në Gjakovë.
