Vendosjen e flamujve kombëtar në Kllokot, për nder të 28 nëntorit, Serbia e ka quajtur provokim dhe “përpjekje për ta frikësuar popullin serb”.
Pas vendosjes së flamujve të Shqipërisë në rrugët e komunës së Kllokotit në nder të Festave të Nëntorit, ka reaguar e ashtuquajtura Zyra për Kosovën në Qeverinë e Serbisë.
Në reagim u tha se vendosja e këtyre flamujve është një provokim kundrejt Serbisë.
“Flamujt shqiptarë nuk kanë çfarë të kërkojnë pranë shtëpive të serbëve, e Kishës së Shën Pjetrit e Palit, prandaj ky ‘dekorim’ i papërshtatshëm nuk mund të interpretohet ndryshe veçse si provokim dhe një hap tjetër drejt krijimit të ‘Shqipërisë së Madhe’”, thuhet në reagim.
Të njëjtit kanë bërë thirrje që festa e flamurit të mos përdoret për provokime.
“Shqiptarët kanë të drejtë të festojnë festat e tyre, por është e pavend kur e bëjnë këtë në zona të banuara me serbët. U bëjmë thirrje shqiptarëve në Kosovë të mos e përdorin Ditën e Flamurit të Shqipërisë për thellimin e hendekut ndëretnik dhe për të frikësuar dhe provokuar serbët”
