Marrëdhëniet ndërmjet Serbisë dhe Rusisë nuk janë aspak “dashuri e pakushtëzuar”, raporton shërbimi publik zviceran SRF. Siç thonë ata, ka indikacione për t’i kthyer shpinën Moskës, por kjo nuk do të ndodhë brenda natës.
Së fundmi mësohet se raketat e prodhimit serb përfunduan në arsenalin e ushtrisë ukrainase, kujton SRF në një analizë radiofonike të marrëdhënieve mes Serbisë dhe Rusisë.
Beogradi zyrtar u përgjigj se municioni u eksportua në Turqi dhe se Serbia nuk ka të bëjë me rishitjen e mëtejshme përmes Sllovakisë në Ukrainë. E megjithatë çështja hasi në pakënaqësi në Moskë.
“Ata nuk e shitën materialin direkt në Ukrainë, por nuk u kujdesën shumë që të mos përfundonte atje”, thotë Armina Galijash, eksperte për Ballkanin nga Universiteti i Gracit.
Siç thotë Galijash për SRF, marrëdhëniet ndërmjet Serbisë dhe Rusisë janë më pragmatike.
“Ata janë disi të kujdesshëm dhe asnjëherë të hapur. Nuk është dashuri pa kushte”.
Sipas gazetarit të SRF-së, dashuria serbe për Rusinë është vënë në skenë vitet e fundit si “vëllazëri sllave dhe ortodokse”. Ky imazh u shty nga mediat dhe politikanët në Beograd, së bashku me qëndrimet antiperëndimore.
“Një qëndrim i tillë shihet edhe në sondazhet në të cilat shumica e serbëve fajësojnë NATO-n për luftën në Ukrainë”, thotë radioja. “Megjithatë, Serbia nuk e mbështet Rusinë pa kushte. Vendi ka dënuar vazhdimisht luftën në Ukrainë dhe ka theksuar se nuk i njeh aneksimet ruse”.
Sipas Armina Galijashit, lufta është kundër interesave të Serbisë. “Së pari sepse gjeopolitikisht po ndryshojnë shumë. Ka ardhur koha për të marrë qëndrime të qarta”.
SRF thekson se është bërë gjithnjë e më e vështirë kalimi nga Lindja në Perëndim, gjë që ishte “një element qendror i politikës së jashtme serbe në vitet e fundit”.
Radioja zvicerane vëren “indikacione se Serbia mund të largohet nga Rusia: Presidenti Vuçiq u ankua për ndikimin rus në vend dhe konfirmoi se Serbia është në rrugën e saj drejt BE”.
“Është e imagjinueshme që unë të shkëputem me Rusinë”, thotë Galijash. “Ka indikacione për këtë.”
Por kjo nuk do të ndodhë brenda natës, shton SRF. Jo vetëm sepse Serbia është e varur nga gazi rus, por edhe sepse Rusia gëzon simpati të madhe në mesin e popullatës serbe. Një rol të madh në këtë ka luajtur edhe Vuçiq.
“Ai vetë krijoi atë disponim pro-Putin dhe pro-rus në vend. Tani duhet ta shoh vetë se si të dalë prej saj”, përfundon Galijash.
Shpërndaje në
SONDAZH
Loading ...
