Deputeti i Lidhjes Demokratike të Kosovës, Armend Zemaj, tha të premten se partia nga vjen është në reformim dhe organizim të brendshëm dhe se Lëvizja Vetëvendosje është në dijeni që së shpejti do të ketë ndërrim të pushteteve.
Këtë deklarim ai e bëri teksa komentoi videon e fundit të LVV-së, përmes së cilës kritikonte oponentët e LDK-së për qasjen në ekonomi.
“Ekonomia e LDK-së në shërbim të grupeve të interesit”, titullohet videoja e partisë në pushtet.
Sipas këtij subjekti politik, LDK-ja ka tentuar ta shkatërrojë sistemin pensional në Kosovë, duke e krahasuar me shkatërrimin serb.
