Sot gjatë ditës, në oborrin e komunës së Podujevës, janë përplasur fizikisht dy asamblistë të Lëvizjes Vetëvendosje.
Siç raportohet, asamblistët që janë rrahur mes vete fizikisht, janë Artrit Mulliqi dhe Ragip Fetahu, shkruan kosovalive.net
Në lidhje me këtë rast, kosovalive.net ka kontaktuar me zëdhënësen e Policisë së Kosovës për rajonin e Prishtinës, Flora Ahmeti që ka dhënë detaje në lidhje me ngjarjen.
“Rreth orës 11:00 jemi informuar se ka nje mosmarrveshje ne afërsi të objektit të komunës së Podujevës.”
“Njësia policore ka dalë në vendngjarje ku per intervistim ka shoqeruar ne stacion policor dy persona të përfshirë në këtë ngjarje e cila është duke u trajtuar në koordinim me prokurorin e shtetit”, u shprehë ajo.
Siç po raportohet, dyshimet e para që çuan në mosmarrëveshje dhe në rrahje fizike, kanë të bëjnë për emërimin e shefit të grupit të asamblistëve të VV-së në Kuvendin Komunal./kosovalive.net/
Shpërndaje në
SONDAZH
Loading ...
