Një ngjarje tragjike ka ndodhur mbrëmjen e së premten në fshatin Lladoc të Podujevës, ku një person është gjetur i vdekur. I njëjti dyshohet se ka bërë vetëvrasje.
Gazeta Insajderi mëson se viktima që i dha fund jetës është Jashar Mehana, 34 vjeçar.
Policia menjëherë ka dalë në vendin e ngjarjes si dhe mjekët emergjentë të cilët kanë konstatuar se viktima, mashkull, është pa shenja jete.
Lajmin e ka konfirmuar zëdhënësja e Policisë së Kosovës për rajonin e Prishtinës, Florie Ahmeti.
“Rreth orës 18:30, kemi pranuar informatën për një trup të pa jetë, në fshatin Lladoc të Komunës së Podujevës. Policia menjëherë ka dalë në vendin e ngjarjes si dhe mjekët emergjentë të cilët kanë konstatuar se viktima, mashkull, është pa shenja jete”, ka thënë Ahmeti.
“Mbështetur në informacionet e para, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, ka shtuar ajo.
