Kryeministri i Kosovës, Albin Kurti, mund ta çojë vendin në zgjedhje të jashtëzakonshme në rast të presionit për themelimin e Asociacionit të Komunave me shumicë serbe.
Kështu ka deklaruar Drejtori i Institutit për Afirmimin e Marrëdhënieve Ndëretnike, Fatmir Sheholli, për mediat serbe.
“Ka mundësi që Kurti ta çojë vendin në zgjedhje të jashtëzakonshme parlamentare. Kurti erdhi në pushtet duke kundërshtuar Asociacionin, duke e luftuar dhe nuk mori kaq vota në Kuvend për të zbatuar formimin e atij komuniteti”, deklaroi Sheholli.
Sheholli është shprehur optimist për nënshkrimin e marrëveshjes evropiane në Ohër, ku pritet të mbahet takimi mes Kurtit dhe Vuçiqit.
Kryeministri Kurti në vazhdimësi Asociacionin e ka quajtur si “mono-etnik”, përkundër presionit të madh drejt tij nga faktori ndërkombëtar që të themelohet ajo që dikur VV-ja në opozitë e quante “Zajednicë”.
Lajçak në vizitën e tij dy-ditore në Kosovë ka bërë të ditur se nuk do të ketë asnjë ndryshim në atë çfarë është zotuar në Bruksel nga pala kosovare dhe ajo serbe.
Shpërndaje në
SONDAZH
Loading ...
