Gjatë një operacioni të Doganës dhe Policisë, në Gjilan janë konfiskuar barna të kontrabanduara në vlerë prej 4.000 eurosh.
Sipas një komunikate për media, gjatë kontrollit të detajuar në ambientet e brendshme të barnatores, janë gjetur barna të fshehura, për të cilat nuk ishte paraqitur asnjë dokumentacion doganor. Dyshohet se këto produkte janë futur në mënyrë të paligjshme në territorin e Kosovës, duke anashkaluar procedurat e importit dhe detyrimet doganore.
Sipas vlerësimeve fillestare, vlera e barnave të sekuestruara kap shumën mbi 4000 euro.
Dogana e Kosovës ka nisur procedurat hetimore ndaj pronarit të subjektit, si dhe ka njoftuar organet përkatëse për veprimet e mëtejshme ligjore.
