Sot u raportua se avokati Arianit Koci më 28 shtator, është sulmuar nga një person e ka goditur me grusht në kokë.
Koci për Gazetën Express ka bërë të ditur se gjendja e tij shëndetësore është e mirë dhe se nuk ka pësuar lëndime trupore.
Ai tha se të dyshuarit kanë qenë serbë, ndërsa motoçikleta e tyre ka qenë pa tabela.
Koci thotë se nuk ka dyshime, mirëpo shton se të dyshuarit mund të kenë qenë “njerëz të rrugës”.
Avokati njoftoi se Policia po merret me rastin.
